TALOFA LAVA

Afio maia ma tala mai aao i le MAIAVA & GOGOULI FAMILY Upega Tafa'ilagi

Fa'atalofa ma fa'afeiloa'i atu i lau maimoaga ma lau asiasiga mai i lenei vaega o le aso i le Upega Tafailagii a lenei Aiga. O le fa'amoemoe maualuga ina ia mafai ai ona feiloa'i ma feso'ota'i fanau, aiga, uo ma e masani o lenei Tupu'aga i so'o se tafa o le lalolagi o lo'o aumau ma nopia'i ai i le sailiga o manuia mo Malo, Nu'u, Ekalesia aemaise Aiga i le lumana'i.

Saunia ma Tapenaina lenei itulau o fesootaiga i luga o tomai fa'anei onapo e TPMaiava mai Sini Ausetalia. E aualofa atu ai ma le to'alua ia Talalelei ma le fanau ia Pelesa jr, Semeatu, Gogouli jr ma V. Talanoa Maiava mo aiga uma i Niu Sila, Hawaii, Amerika, Ausetalia, Amerika Samoa ma soo se atunuu o le lalolagi faapea aiga uma lava i Samoa. E ui lava ina misia nai o tatou matua, aemaise le tina ia Gogouli sa tapua'i mo le 3 tausaga ae faamanavaina e le Atua mai feau ma galuega i le aso 20 o Tesema a'o ma sauni atu mo le toe tausaga mulimuli o le a'otauina i Malua. Peita'i, e pule pea lo tatou tapaau sili i le lagi i ana fuafuaga loloto.

 

E avea ai fo'i lenei avanoa e momoli atu ai le faamalo ma le faafetai i aiga uma lava, uo ma e masani i la outou lagolago mai a'o a'otauina i le Kolisi Faafaifeau i Malua. Tele lo outou manuia ma le alofa tula'i sa faamaumauina ona o le silasila i le Atua ma lana auauna fia taumafai. O lea ua tini pa o le uto pei o le faiva i vai, ae a le Atua ma lona auai mai i tausaga e 4 sa a'oa'oina ai mo lona finagalo. E leai se manuia o i a ma ua ma le toalua ma le fanau, a'o la ma tatalo ia toe faatutumu e le Atua ma taui atu lo outou agagalelei i soo se itu ae faasili le itu faale-agaga i la outou tatalo ina ia ia i'u manuia le faamoemoe e avea ma mea faigaluega a le Atua. Malo le tapua'i, malo foi le tu'i atu le mulipapaga. Viia le Atua o le na auina i ma ua ma le fanau e a'otauina mo lona finagalo paia.

 

 

Late Maiava Pelesa Moea'i LEOTA

O le tautalaga lenei a Maiava sa pueina i le 1973 e momoli ai ana faamanuiaga o le Kerisimasi ma le Tausaga Fou mo Gogouli i Niu Sila a'o asiasi ai i nisi vaega o le fanau ma aiga a'o lei tu'umalo i le aso 13 Setema 1977

 "O Maiava lea e tautala, o loo manuia lava matou uma lava. Ua ou tautala atu i lenei taimi ma faafetai i le alofa o le Atua ua outou faalogo mai o lenei ua ou tautala atu, i le agalelei o le faaola ia i tatou uma lava taitoatasi. O loo manuia uma le tatou aiga e le taumate foi o loo manuia oe le tina ma le fanau, ia manuia outou ia faapea foi matou i Samoa nei.

O lenei ua matou nonofo lava ma taumafai nisi  faiga o tatou fatu aiga ia taunuu lelei pei ona faamoemoeina ma le faamoemoe lava ia alofa le Atua ia faataunuuina ma le manuia i lona agalelei ma le fesoasoani mai. Ia ia manuia lava outou le tina ma le fanau manuia foi i matou uma ma le aiga atoa. Ia o Maiava lea e tautala mai Samoa nei Tofa Soifua"

86 birthday 23rd November 2007

Ma'aolegalu Peni

Gogouli 86th celebrations

 

Talosia i le alofa o le Atua e saga faaopoopo pea nisi aso se tele o lo outou soifua tatou te mafuta ai ae sili le mafutaga vavalalata ma lo tatou Alii e maua ai pea le malosi faafouina i aso uma o lona soifuaga.

O le upu a le atunuu: "Tatou faamoemoe ia i le Agaga Paia o le Atua" e pei  o le tala i le manulele o le tiotala sa faatalitali i ai le sailiga malo a le Malietoa ia Nafanua, e na te taitaia le auala e feiloa'i ai le Malietoa ma Nafanua mo se Ao o lona malo e pei ona tatou sapi ai nei. Ma ua tatou talisoa ai le i'a a Nafanua i le tele o faamanuiaga mai lo tatou Atua soifua.

Ia faamanuia le Atua i fuafuaga o lenei aso

Faafetai! Faafetai Lava 

 LOOK @ SAMOA
WOW!! Beautiful one day and Perfect all day
"Samoa the only Paradise and Pearl of the Pacific"

 Maimoa ma faafofoga i le saunoaga a le afioga ia Tualupetu i le faamanatuina o lona 87 tausaga i le aso 25 o Tesema 2008 lea sa faataunuuina faatasi ma le Reunion a le "Maiava Pelesa Leota Family"